अञ्जनले छाडे मनाङ मर्स्याङदी क्लब

काठमाडौँ: नेपाली फुटबलर अन्जन बिस्टले मनाङ मर्स्याङदी क्लब छाडेका छन्। शहीद स्मारक ए डिभिजन लिगको चर्चा नजिकिँदै गर्दा क्लबको कप्तान समेत रहेका बिस्टले मनाङ छाडेको उद्घोष गरेका हुन्।

'सानोमा फुटबल खेल्न सुरू गर्दादेखि नै ठूलो भएर एकदिन मनाङ मर्स्याङ्दी क्लबबाट खेल्ने सपना देखेको थिएँ र पहिलोपल्ट मनाङको जर्सी लगाएर खेल्दा निकै भाग्यमानी ठानेको थिए,' बिस्टले सामाजिक सञ्जालमा लेखेका छन्, 'जुन क्लबलाई मनदेखी आफ्नो दोस्रो घर सोचेर अगाडी बढेको थिए, त्यसमा केही व्यक्तीहरूले क्लबलाई आफ्नो स्वार्थ अनुसार चलाउन खोजेपछि पटक पटक राम्रो हुन्छ कि सोच्दा समेत व्यक्तिगत स्वार्थ अनुसार क्लबको हित भन्दा आफु अनुसार क्लबलाई चलाउन खोजेपछी, खेलाडीको मनोबल गिराउने कार्य हुन थालेपछी बाध्य भएर दुःखी मनका साथ यस क्लब सँगको सहकार्य टुंग्याउने निधो गरेको छु।'