इन्धन सस्तो भएपछि अन्तरप्रदेश सार्वजनिक यातायातको भाडा २ प्रतिशत घट्यो

काठमाडौं- यातायात व्यवस्था विभागले इन्धनको बजार मूल्यमा आएको गिरावटलाई आधार मान्दै अन्तरप्रदेश सार्वजनिक यातायातको भाडा २ प्रतिशतले घटाएको छ। विभागले बिहीबार जारी गरेको सूचनाअनुसार नयाँ भाडादर २०८३ असार १७ गतेदेखि लागू हुनेछ।

विभागका अनुसार सार्वजनिक सवारीको भाडा समायोजनका लागि लागू गरिएको वैज्ञानिक प्रणालीअनुसार इन्धनको मूल्य ५ प्रतिशत वा सोभन्दा बढी बढे वा घटेमा भाडादर स्वतः समायोजन गर्ने व्यवस्था छ।