भूकम्पपीडितलाई सहयोग निरन्तर

काठमाडौँ — पश्चिम नेपालको जाजरकोट तथा रुकुममा गएको विनाशकारी भूकम्पबाट पुर्‍याएको जनधनको क्षतिमा विभिन्न संघसंस्थाले सहयोग गर्ने क्रम निरन्तर छ । यसैक्रममा सानिमा बैंक, भीजी फाउन्डेसन, एनआईसी एसिया बैंक, नबिल बैंक, नेपाल उद्योग वाणिज्य महासंघ कोशी प्रदेशलगायतले सहयोग घोषणा गरेका छन् ।

पीडितको उद्धार एवम् घाइतेको उपचारमा सहयोग पुर्‍याउने गरी सानिमा बैंकले प्रधानमन्त्री दैवीप्रकोप उद्धार कोषमार्फत २५ लाख रुपैयाँ दिने निर्णय गरेको छ । यसैगरी भीजी फाउन्डेसनले भूकम्पपीडितका लागि २१ लाख सहयोग गर्ने भएको छ ।