१४ वर्षपछि निर्वाचन, गजबको उत्साह

राजविराज । विगत १४ वर्ष देखि मनोनितको भरमा चल्दै आएको जिल्लाकै पुरानो मध्येका एक श्री लक्ष्मी बल्लभ नगरसिह माध्यमिक विद्यालयको व्यवस्थापन समितिको मंगलवार निर्वाचन भएको छ ।

२००६ सालमा स्थापित सप्तरीको तिलाठी कोईलाडी गाउँपालिका ७ बभनगामाकट्टी स्थित उक्त विद्यालयको व्यवस्थापन समितिको निर्वाचन १४ वर्ष पछि भएको हो । यस अघि २०६६ सालमा व्यवस्थापन समितीका लागी पहिलो निर्वाचन भएको थियो । त्यस पछि विभिन्न खाले विवादका कारण निर्वाचन हुन न सकेपछि गाउपालिका कार्यालयले गरेको मनोनित कै भरमा व्यवस्थापन समिति चल्दै आएको थियो ।