खुसी मनाउँदा निम्तिएको पीडा: जितको खुसियाली मनाउँदा चार जनाको मृत्यु

मेक्सिको सिटीमा विश्वकप फुटबलमा मेक्सिकोको ऐतिहासिक जितको खुसीयाली मनाउने क्रममा भएको अत्यधिक भीडका कारण १९ वर्षीया युवतीसहित चार जनाको मृत्यु भएको छ।

मंगलबार इक्वेडरमाथि मेक्सिकोको जितपछि सडकमा उत्रिएको विशाल भीडमा परेर १९ वर्षीया युवती, ४८ वर्षीया महिला र ४४ वर्षीय पुरुषको निसास्सिएर मृत्यु भएको स्वास्थ्य अधिकारीहरूले बुधबार जानकारी दिएका छन्। अर्का ३० वर्षीय पुरुषको भने छारे रोगका कारण ज्यान गएको सहरका अधिकारीहरूले बताएका छन्।