विदेश छाडेर स्वदेशमा सीप सिकेर उद्यमी बनेका ‘हरि’

भोजपुर । यहाँका युवाहरुमा पछिल्लो समय सीप सिकेर उद्यमीसँगै स्वरोजगार बन्ने लहर बढ्दै गएको छ । युवाहरुले आफैँले सीप सिकेर थालेको उद्यमबाट मनग्य आम्दानीसमेत गर्दै आएका छन् । कतिपय युवाहरु भने विदेशबाट फर्केर पुनः सीप सिकेर पनि उद्यममा जोडिएका छन् ।

विदेशबाट फर्केर स्वदेशमा सीप सिकेर भोजपुरमा सफल उद्यमी बन्नु भएको छ हरि मगर(बाजिन) । वैदेशिक रोजगारीमा दश वर्ष विताएर स्वदेश फर्कनु भएका मगरसँग हात्ते ट्याक्टर मर्मत गर्ने सीप छ । यहि सीप अहिले उहाँको जीवन धान्ने साधन बनेको छ ।