डा. शर्माको केएमसीको स्वास्थ्य टोली बालाजुमा, ६२१ बिरामीको निःशुल्क स्वास्थ्य शिविर

नेपाली कांग्रेसका सांसद डा. सुनीलकुमार शर्माको काठमाडौँ मेडिकल कलेज पब्लिक लिमिटेड (केएमसी) को स्वास्थ्य टोलीले बालाजुमा निःशुल्क स्वास्थ्य शिविर गरेको छ ।

दुग्ध वितरण आयोजनाले बालाजु औद्योगिक क्षेत्रभित्र गरेको शिविरमा ६२१ बिरामीको उपचार गरिएको केएमसीका प्रबन्धक एवं प्रमुख प्रशासकीय अधिकृत नारायणप्रसाद दाहालले जानकारी दिए । बिरामीमध्ये ९७ जनाको भिडियो एक्सरे, ८२ जनाको ईसीजी, १०४ जनाको ल्याब परीक्षण गरिएको थियो भने २२ जनाको दाँत निकालिएको थियो ।