सिनामंगलमा शुक्रबार दिउँसो मृत फेला परेका युवक र युवती दाजुबहिनी भएको पुष्टि -करिस्माकाे परेकाे थियाे डीभी गेस्टहाउसमा मृत भेटिइन

काठमाडौँको सिनामंगलमा शुक्रबार दिउँसो मृत फेला परेका युवक र युवती नजिकका दाजुबहिनी भएको खुलेको छ। बाजुराको त्रिवेणी नगरपालिका ४ का २३ वर्षीय भरतबहादुर सार्की र सोही ठाउँकी १९/२० वर्षकी करिस्मा सार्की काठमाडौँ महानगरपालिका ९ शम्भुमार्गस्थित झर्ना गेस्टहाउसमा मृत फेला परेका छन्।

गेस्टहाउसको कोठा नम्बर २०४ मा भित्रबाट ढोका बन्द गरेर बसेको र होटलका कर्मचारीले बोलाउँदा नआएपछि प्रहरीलाई खबर गरेका थिए। प्रहरीले ढोका फोडेर हेर्दा उनीहरू दुवै जना मृत फेला परेको काठमाडौँ प्रहरी परिसरका प्रवक्ता एसपी नवराज अधिकारीले बताए। करिस्मा घाँटी काटिएको अवस्थामा र भरत झुण्डिएको अवस्थामा मृत फेला परेका हुन्। प्रहरीले घटनास्थलको मुचुल्का सकेर शव पोस्टमार्टमका लागि त्रिवि शिक्षण अस्पतालमा पठाएको छ। घटनाको थप अनुसन्धान गरिरहेको पनि एसपी अधिकारीले बताए।