काभामा नेपाल र भारत भिड्दै

काठमाडौँ — नेपाल र भारत सेन्ट्रल एसिया भलिबल एसोसिएसन (काभा) महिला भलिबल नेसन्स लिगमा शनिबार आमनेसामने हुँदै छन् । नेपालको यो दोस्रो खेल हो भने बिहीबार सुरु प्रतियोगितामा भारत लगातार तेस्रो दिन कोर्टमा उत्रने छ ।

भारतले शुक्रबार माल्दिभ्सलाई ३–० को सोझो सेटमा पराजित गरी नेपालसँगको खेललाई तयारी पूरा गरेको थियो । भारतले माल्दिभ्सको चुनौती सजिलै पन्छाउने क्रममा २५–६, २५–११, २५–१० को नतिजा निकालेको थियो । भारतले पहिलो दिन इरानमाथि २५–२०, २५–१८, १९–२५, २५–११ ले सेट जितेको थियो ।