कांग्रेस शीर्ष नेताहरूको बैठक: क्रियाशील सदस्यता विवाद समाधानको बाटोमा   

काठमाडौं । नेपाली काँग्रेसले क्रियाशील सदस्यताको विवाद लगभग टुङ्गाएको छ । सोमबार राती अबेर सभापति शेरबहादुर देउवाको निवास बुढानीलकण्ठमा सम्पन्न कांग्रेस शीर्ष तहको बैठकले सदस्यताका विषयमा देखिएका अधिकांश विवाद समाधान गरेको हो ।

विवाद समाधान भएका क्षेत्रको सदस्यताको प्रतिवेदन सभापति देउवा र वरिष्ठ नेता रामचन्द्र पौडेललाई बुझाइएको छ ।जसअनुसार सप्तरीको क्षेत्र नम्बर १, २ र ४ मा नयाँ क्रियाशील सदस्यता स्थगित गरिएको छ । ती क्षेत्रमा १३औं महाधिवेशनकै क्रियाशीललाई मात्रै मान्यता दिइएको छ । क्षेत्र नम्बर ३ का केही वडाका नयाँ क्रियाशील सदस्यहरूलाई पनि महाधिवेशनमा समावेश गर्ने गरी विवाद मिलाइएको छ । क्षेत्र नम्बर ३ मा ४१ वटा वडा छन् ।