मन्त्रिपरिषद् हेरफेर गर्ने प्रधानमन्त्रीको तयारी, यी मन्त्री हुन सक्छन् आउट

प्रधानमन्त्री पुष्पकमल दाहाल प्रचण्डले मन्त्रिपरिषद् हेरफेर गर्ने भएका छन् । बिहीबार दाहालले पार्टी पदाधिकारी बैठकमा सो खुलासा गरेका हुन् ।

बैठकमा उनले सरकारको एक वर्ष पुग्नै लागेको बेला मन्त्रालयको काम अपेक्षा गरेअनुसार नभएको भन्दै मन्त्रिपरिषद् हेरफेर हुन सक्ने बताएका थिए । ‘सरकारका कामलाई प्रभावकारी बनाउन यही गतिले हुँदैन, अब नयाँ ढंगले काम गर्नुपर्छ भन्ने लागेको छ,’ उनले भने, ‘त्यस्तै परे नयाँ कदम चाल्नुपर्ने हुन सक्छ ।’