रसुवाको बाढीपछि कैलालीका ३० भन्दा बढी कामदार सम्पर्कविहीन

धनगढी । रसुवाको भोटेकोशीमा आएको भीषण बाढीपछि कैलालीबाट रोजगारीका लागि रसुवा पुगेका ३० भन्दा बढी कामदार सम्पर्कविहीन भएका छन् ।

टीकापुर नगरपालिका–१ समितिपुरबाट ठेकेदारमार्फत रसुवा पुगेका उनीहरू धुन्चे बजारनजिकै रहेको जलविद्युत् आयोजनाको सुरुङ निर्माणमा काम गर्दै आएका थिए । उनीहरू बुधबार बिहानदेखि परिवारको सम्पर्कमा नआएका हुन् ।