बार्बी अर्थात् गुलाबी संसारको रोमाञ्चक सयर (फिल्म समीक्षा)

६४ वर्षअघि यो लोकमा आएकी बार्बीले विश्वभरका थिएटरमार्फत उन्मुक्त आकाशमा उड्न खोज्ने नवयौवनहरूलाई दंगदास पारिरहेकी छन्। ५ साउनमा विश्वभरका मल्टिप्लेक्ससँगै नेपाली हलहरूमापनि एकसाथ रिलिज गरिएको बार्बी हेर्न आउने ‘फ्यान’हरूको चहलपहलले काठमाडौंका हलहरूमा भिन्नै माहोल श्रृजना गरेको छ।

गुलाबी रंगका ड्रेसमा ठाँट्टिएर हलहरूमा राखिएका बार्बीको पूर्णकदको पोस्टर अगाडि उभिएर टिकटक र रिल बनाउन मस्त नवयौवनहरूको चहलपहल हेर्दा युरोप र अमेरिकन थिएटर माहोलमा पुगेको भान पार्छ।