यी हुन् एमालेबाट हालसम्म निर्वाचित हुने ५ उम्मेदवार

काठमाडौँ । प्रतिनिधिसभा सदस्य निर्वाचन २०८२ को मतगणना जारी रहँदा नेकपा (एमाले) ले अहिलेसम्म देशका विभिन्न ५ निर्वाचन क्षेत्रमा जित हासिल गरेको छन् । एमालेले मधेस, सुदूरपश्चिम र पहाडी जिल्लाहरूमा महत्त्वपूर्ण जित दर्ता गरेको हो । एमालेबाट हालसम्म निर्वाचित हुने ५ उम्मेदवार मोहम्मद इश्तियाक राई, ऐनबहादुर महर, क्षितिज थेवे, राजेन्द्रकुमार राई र लक्ष्मीप्रसाद पोखरेल रहेका छन् ।

मोहम्मद इश्तियाक राई बाँके निर्वाचन क्षेत्र नम्बर २ बाट विजयी भएका हुन् । उनले २४ हजार ६२८ मत प्राप्त गर्दै विजयी हासिल गरेका हुन् । उनका निकटतम प्रतिद्वन्द्वी रास्वपाका विवेककुमार श्रेष्ठले १८ हजार ५८१ र नेपाली कांग्रेसका सुधान्स कोइरालाले १७ हजार ५९० मत प्राप्त गरेका छन् ।