लुम्बिनीमा अन्तर्राष्ट्रिय शान्ति महोत्सव

गौतमबुद्धको जन्मस्थल लुम्बिनीमा दुईदिने ‘लुम्बिनी अन्तर्राष्ट्रिय शान्ति महोत्सव’ शुक्रबारदेखि सुरु भएको छ । अन्तर्राष्ट्रिय ध्यान दिवसको अवसर पारेर आयोजना गरिएको महोत्सवको उपप्रधानमन्त्री तथा परराष्ट्रमन्त्री नारायणकाजी श्रेष्ठले उद्घाटन गरेका थिए ।

सो अवसरमा उनले ध्यानको माध्यमबाट सामाजिक रूपान्तरण गर्नुपर्ने र लुम्बिनीलाई ध्यानको पनि केन्द्र बनाउनुपर्ने बताए । नेपालका लागि चिनियाँ राजदूत चेन सोङले नेपालले अन्तर्राष्ट्रिय ध्यान दिवस मनाउने प्रस्ताव संयुक्त राष्ट्रसंघमा लगे चीनले समर्थन गर्ने बताए ।