सलीसल्लामा कर्णाली नदीमाथि बेलिब्रिज बनाइने

सिमकोट – राष्ट्रिय सडक सञ्जाल जोडिएको चंखेली र सर्केगार्ड गाउँपालिकाको सिमाना सलीसल्लामा रहेको कर्णाली नदीमाथि बेलिब्रिज निर्माण गरिने भएको छ। सलीसल्लासम्म आउने यातायातका साधन नदी पार गर्न उक्त पुल बनाउने प्रक्रिया सुरु भएको हो।

हिल्सा–सिमकोट सडक आयोजनाका योजना प्रमुख वीरेन्द्रकुुमार यादवले असार मसान्तसम्म सलीसल्लाको कर्णाली नदीमाथि बेलिब्रिज बनाइने जानकारी दिए। पुल नबनेका कारण कारण कर्णाली नदीपारिसम्म आएका यातायातका साधन उतै रोकिँदै आएका छन्।