वामपन्थीको किल्ला भत्काउँदै संसद्मा विज्ञको प्रवेश

काठमाडौँ । नेपालको अव्यवस्थित यातायात र बढ्दो सडक दुर्घटनाका विषयमा पत्रपत्रिकामा निरन्तर लेख्ने र समाधानका उपाय सुझाउने एउटा परिचित नाम हो– आशिष गजुरेल ।

हिजोसम्म सडक सुरक्षा, ट्राफिक व्यवस्थापन र पूर्वाधार विकासका विज्ञका रूपमा चिनिएका तिनै गजुरेलको परिचय अब फेरिएको छ । प्रतिनिधि सभा सदस्यका रूपमा गजुरेल अब माननीय बनेका छन् । राष्ट्रिय स्वतन्त्र पार्टी (रास्वपा)बाट सिन्धुली निर्वाचन क्षेत्र नम्बर २ को उम्मेदवार बनेका गजुरेलले दशकौँदेखि वामपन्थीको वर्चस्व रहेको लालकिल्ला भत्काउँदै संसद्मा सानदार इन्ट्री मारेका छन् ।