एमालेको ग्रासरुटबाट उदाएका ठगुन्ना विजयी

धनगढी । दार्चुलाबाट प्रतिनिधि सभा सदस्यमा नेकपा एमालेका उम्मेदवार गणेश सिंह ठगुन्ना विजयी भएका छन् । अघिल्लो निर्वाचनमा पराजित भएका ठगुन्नाले यस पटक भने पुनः संसदमा आफ्नो स्थान बनाएका हुन् ।

मतगणनाको सुरुवाती चरणमा ठगुन्ना नेपाली कांग्रेसका उम्मेदवारभन्दा पछि परेका थिए । प्रारम्भिक नतिजाले प्रतिस्पर्धा निकै कडा हुने संकेत देखाएको थियो । पछिल्ला चरणहरूमा उनले मतान्तर बढाउँदै गए र अन्तत विजय हासिल गर्न सफल भए । निर्वाचन परिणामअनुसार ठगुन्नाले १८ हजार ८ सय ९१ मत प्राप्त गरेका छन् । उनका निकटतम प्रतिद्वन्द्वी धर्मानन्द जोशीले १५ हजार ८ सय ३६ मत मात्र पाए ।