सेक्युरिटी प्रेसको कार्यकारी निर्देशकमा दोहोरिए अध्यादेशबाट पदमुक्त भएका ढुंगाना

काठमाडौं । सरकारको अध्यादेशमार्फत पदमुक्त भएका देवराज ढुंगाना पुनः सुरक्षण मुद्रण केन्द्रको कार्यकारी निर्देशकमा नियुक्त भएका छन् । बिहीबार बसेको मन्त्रिपरिषद् बैठकले मोरङका ढुंगानालाई सो पदमा पुनः नियुक्त गर्ने निर्णय गरेको हो ।

यसअघि 'सार्वजनिक पदाधिकारीको पदमुक्तिसम्बन्धी विशेष व्यवस्था अध्यादेश, २०८३' जारी भएपछि सोही अध्यादेशको प्रावधानअनुसार गत २१ वैशाखमा ढुंगाना स्वतः पदमुक्त भएका थिए । पदमुक्त भएको छोटो समयमै सरकारले उनलाई पुनः सोही पदमा फर्काएको हो ।