फरकधार अपडेटः यी हुन् आजका मुख्य समाचार

शुक्रबार दिनभर सरकार र विप्लवबीचको सहमतिका विषयले नै चर्चा पायो । बिहीबार तीन बुँदे सहमति भएसँगै शुक्रबार बिहानै नेकपा विप्लव समूहका महासचिव नेत्रविक्रम चन्द नवलपरासीबाट सहमतिपत्रमा हस्ताक्षरका लागि काठमाडौं आइपुगे ।

करिब चार वर्षजति भूमिगत जीवन बिताएका विप्लव सहमतिपछि पहिलोपटक शुक्रबार सार्वजनिक भएका हुन् । राष्ट्रिय सभा गृहमा भएको समारोहमा विप्लव र प्रधानमन्त्री दुवैले सम्बोधन गरेका छन् ।