जब भेनेजुएलाको प्रशोधित युरेनिअमलाई चुपचाप अमेरिका पुर्‍याइयो

एप्रिल अन्त्यको एक रात। काराकासको बाहिरी भेगमा अवस्थित भेनेजुएलाको इन्स्टिट्यूट फर साइन्टिफिक रिसर्च (आईभीआईसी)बाट सेनाको बख्तरबन्द गाडी गुपचुप १६० किलोमिटर यात्रा गरेर काराबोबो राज्यमा अवस्थित बन्दरगाह सहर प्वर्टो काबेल्यो पुग्छ।

अति गोप्यता कायम गरेर रातका समयमा गरिएको उक्त यात्राको कारण कैयौँ दिनपछि मात्रै स्पष्ट भयो। भेनेजुएलाको सेनाले अतिप्रशोधित १३ केजी युरेनिअमका दुईवटा पत्थर बोकेको एउटा कन्टेनर राखिएको सवारीलाई पहरा दिइरहेको थियो र पछि त्यो कन्टेनरलाई संयुक्त राज्य अमेरिका पुर्‍याइयो।