निधि, शशांक र सिंहको भेटमा के–के भयो ?

कांग्रेसको आन्तरिक राजनीतिमा तीव्र ध्रुवीकरण आइरहेका बेला संस्थापनइतरका तीन नेताबीच छलफल भएको छ । पूर्वउपभसापति विमलेन्द्र निधिको अगुवाइमा डा. शशांक कोइराला र नेता प्रकाशमान सिंहबीच छलफल भएको हो ।

छलफलको अग्रसरता लिएका नेता निधिका अनुसार राष्ट्रिय राजनीति र कांग्रेसको आन्तरिक तनावको विषयमा छलफल भएको छ । छलफलमा विशेष महाधिवेशन र चौधौँ महाधिवेशनको केन्द्रीय समितिबीच एकता कायम हुनुपर्ने निष्कर्ष निकालेको निधि बताउँछन् ।