बहराइनस्थित अमेरिकी बेसमा इरानको ड्रोन आक्रमण

काठमाण्डौं : अमेरिका र इरानबीचको सैन्य टकराव तीव्र बनेसँगै खाडी क्षेत्रमा युद्धको खतरा बढेको छ। अमेरिकी हवाई आक्रमणको जवाफमा इरानले बहराइन र कुवेतमा रहेका अमेरिकी सैन्य ठेगानाहरूलाई निशाना बनाएर भीषण ड्रोन आक्रमण गरेको दाबी गरेको छ। इरानी आक्रमणपछि बहराइन सरकारले आफ्ना नागरिकहरूलाई उच्च सतर्कता अपनाउन आग्रह गरेको छ।

बहराइनको गृह मन्त्रालयले सामाजिक सञ्जाल 'एक्स' (ट्विटर)मा एक आकस्मिक सन्देश जारी गर्दै आफ्ना नागरिक तथा देशमा बसोबास गरिरहेका विदेशी नागरिकहरूलाई शान्त रहन र तत्काल सबैभन्दा नजिकको सुरक्षित स्थानमा जान अपील गरेको छ।