मदन भण्डारी राजमार्गको पुनः रेखांकन गर्न सांसद गजुरेलको माग

काठमाडौं । प्रतिनिधिसभामा सिन्धुलीबाट प्रतिनिधित्व गर्ने राष्ट्रिय स्वतन्त्र पार्टी (रास्वपा)का सांसद आशीष गजुरेलले मदन भण्डारी राजमार्गको पुनः रेखांकन गर्न माग गरेका छन् । सोमबार (जेठ ४) प्रतिनिधिसभा बैठकमा उनले हालको रेखांकनअनुसार निर्माण गरिँदा जिल्लाको पुरानोमध्येको धुराबजारलाई असर गर्ने बताए ।

“सिन्धुलीको पुरानो बजार धुराबजारबाट मदन भण्डारी राजमार्गको रेखांकन गरिएको छ । एउटा पुरानो बजारलाई हटाउनुपर्ने बाध्यताजस्तो पारिएको छ,” गजुरेलले भने, “राजमार्ग भनेको सहरको बीचबाट जाने होइन, त्यही भएर यसको पुनः रेखांकनका लागि कार्यदल गठन गर्न सरकारको ध्यानाकर्षण गराउँछु ।”