ह्वीलचेयरमा संसद्को यात्रा

ह्वीलचेयरमा संसद्को यात्रा शुरू गरेकी बागमती प्रदेश सभा सदस्य लक्ष्मी घिमिरे राज्यको पहिलो काम अपाङ्गमैत्री संरचना निर्माण हुनुपर्ने बताउँछिन्।

बागमती प्रदेश सभा सदस्यका रूपमा संसद्तर्फ जाँदै गर्दा रामेछापकी ३३ वर्षीया लक्ष्मी घिमिरेलाई पहिलो दिन नै सकस भयो। पहिलो दिनको अनुभव सुनाउँदै सांसद घिमिरे भन्छिन्, “संसद् भवन अपाङ्गमैत्री छैन। ह्वीलचेयरमा जानै मुश्किल भयो।”