वीरगंजका ३ भन्सार नाकामा १५ सय कार ‘होल्ड’, पार्किङ शुल्क मात्रै ३ करोड ८ लाख

वीरगंज : दशैँ नजिकिँदै गर्दा पनि वीरगंज नाकाबाट पहिले जस्तो गाडी आयात भएको छैन। दशै–तिहारमा विशेष गरी मोटरसाइकलदेखि विलासी कार र हेभी सवारी साधनहरुको विगतमा खुबै आयात हुन्थ्यो।

विगत ६ महिनादेखि नेपालले कोरोनाको महामारी खेप्दै आएको छ। जसको असर देशकै पूरै अर्थव्यवस्थामा नकारात्मक परिरहेको छ। चैत ११ देखि नेपालमा शुरु भएको लकडाउन र त्यसपछिको निषेधाज्ञाका कारण बजार बन्द छन्। सडकमा गाडी गुड्न पाएका छैनन्। शोरुममा राखिएको कारहरु बिक्री नभएर त्यसै थन्किएका छन्।