संविधानले बुद्धि र विवेक बाँड्दैन

आज संविधानसभाबाट जारी गरिएको संविधानमा अझै पनि कति कमी कमजोरीहरू हुन सक्दछन्, किनकि यो एउटा राजनीतिक सहमति र सम्झौताको साझा दस्तावेज हो। त्यसैले यो शतप्रतिशत पूर्ण (पर्फेक्ट) नहुन सक्दछ।

२०६४ चैत २८ गते संविधानसभाका लागि निर्वाचन सम्पन्न भई सुरु भएको संविधानसभामार्फत संविधान निर्माण गर्ने प्रक्रियाले अनेकौं उकालीओराली र मोडहरू पार गर्दै २०७० मंसिर ४ गते सम्पन्न दोस्रो संविधानसभाको निर्वाचनबाट गठित यस सभाको अनवरत प्रयासपछि आज सार्थक भएको छ।