पूर्व मेयर जिसीले लगाएका ठेक्काको छानबिन गर्न समिति गठन 

पोखरा । पोखरा महानगरका पूर्व मेयर तथा पोखरा उपत्यका नगर विकास समितिका पूर्वअध्यक्ष मानबहादुर जिसीले कार्यकालको आखिरमा लगाएको ठेक्काको अध्ययन गर्न समिति गठन भएको छ । समितिको शनिबार बसेको बैठकले कास्कीका नापी अधिकृत दिनेश काफ्लेको संयोजकत्वमा ५ सदस्यीय समिति गठन भएको हो ।

समितिमा पोखरा ५ नम्बर वडाका अध्यक्ष विष्णु बराल, कांग्रेस कास्कीका सचिव देवेन्द्र रानाभाट, एकीकृत समाजवादीका नेता झपीन्द्रराज रेग्मी र कानून व्यवसायी शुकदेव गौतम सदस्य छन् । उनीहरूले एक साताभित्र प्रतिवेदन दिनुपर्नेछ ।