ताप्लेजुङमा अलैँची महोत्सव हुने

ताप्लेजुङ- ताप्लेजुङमा प्रदेशस्तरीय अलैँची महोत्सव हुने भएको छ। जिल्लाको आठराई त्रिबेणी गाउँपालिकाको प्रशासकीय केन्द्र रहेको हाङ्पाङमा अलैँची महोत्सव हुने भएको हो।

नेपालकै सबैभन्दा बढी अलैँची उत्पादन हुने जिल्लामा आउँदो असार १२ र १३ गते प्रदेशस्तरीय अलैँची महोत्सव हुने भएको हो। अलैँचीको प्रवद्र्धन गर्ने उद्देश्यले दुई दिने अलैँची महोत्सव हाङ्पाङमा आयोजना गर्ने निश्चित भएको महोत्सव मूल समारोह समितिका संयोजक बालचन्द्र आङ्बुहाङले जानकारी दिए।