ज्यान मार्ने उद्योगका नौ आरोपित पक्राउ

कर्णाली। जिल्ला प्रहरी कार्यालय सुर्खेतले ज्यान मार्ने उद्योगका नौ आरोपित व्यक्तिलाई पक्राउ गरेको छ ।

देउसी भैलो खेल्ने क्रममा उच्छृङ्खल गतिविधि तथा झैझगडा गरी ज्यान मार्ने उद्योग कसुर गरेको आरोपमा नौ व्यक्तिलाई पक्राउ गरेको हो । पक्राउ पर्नेमा वीरेन्द्रनगर नगरपालिका–३ का १८ वर्षीय उत्सव पुनमगर, १८ वर्षे चाहिन गुरुङ, २१ वर्षीय विक्रान्त गुरुङ, वडा–९ लाटीकोइलीका १८ वर्षीय हेमराज रोकाय, १८ वर्षीय सीमान्त पन्त, समीर खत्री, सन्देश रावल, रौनक बाह्रघरे र किरण चौधरी रहेको जिल्ला प्रहरी कार्यालय सुर्खेतका प्रवक्ता एवं प्रहरी नायब उपरीक्षक मोहनजङ्ग बुढ्थापाले जानकारी दिए ।