भूकम्प गएको साढे दुई वर्षसम्म पुनर्निर्माण सुरु भएन, बजेट भाषणमा गफ मात्रै भयो : रोकाया

काठमाडौँ । नेपाली कांग्रेसका सांसद कृष्णबहादुर रोकायाले जाजरकोट केन्द्रबिन्दु भई गएको भूकम्प प्रभावित जिल्लामा तत्काल पुनर्निर्माणको कार्य सुरु गर्न सरकारसमक्ष माग गरेका छन् । राष्ट्रिय सभाको शुक्रबारको बैठकमा बोल्दै उनले यस्तो माग गरेका हुन् ।

भूकम्प गएको साढे दुई वर्षसम्म पनि पुनर्निर्माणको कार्य अघि बढ्न नसक्नु अत्यन्त दुःखद् भएको उनले बताए । सरकारले आगामी आर्थिक वर्षको बजेटमा समेत भूकम्पपछिको पुनर्निर्माणका लागि आवश्यक बजेट विनियोजन नगरेको भन्दै उनले आपत्ति जनाए ।