अन्ततः चन्दको नेकपा पनि ‘जनविद्रोह’ को नीति त्यागेर संसदीय प्रतिस्पर्धामा

काठमाडौँ — जनविद्रोहको नीति लिंदै आएका नेत्रविक्रम चन्दले नेतृत्व गरेको नेपाल कम्युनिस्ट पार्टी अन्ततः संसदीय प्रतिर्स्धात्मक राजनीतिको बाटोमा आएको छ । निर्वाचनमा भाग लिएर ‘कृषि क्रान्ति हुँदै एकीकृत समाजवादी क्रान्ति’ गर्ने नीति लिएको नेकपाले दल दर्ताका लागि मंगलबार निर्वाचन आयोगमा निवेदन दिएको छ ।

उसले ‘कम्युनिस्ट पार्टी नेपाल’ नयाँ नाम राखेर दल दर्ताका लागि निवेदन दिएको हो । फागुन २१ मा घोषणा भएको प्रतिनिधिसभा निर्वाचनका लागि आयोगले कात्तिक २१ भित्र दल दर्ताका लागि आह्वान गरेको छ ।