‘गोजीमा दाम छैन’ को १० करोड भ्युज

काठमाडौँ । चलचित्र ‘चङ्गा चेट’ मा समावेश लोकप्रिय गीत ‘गोजीमा दाम छैन’ युट्युबमा १० करोड भ्युज पार गर्न सफल भएको छ। सात वर्षअघि ओएसआर डिजिटलको अफिसियल युट्युब च्यानलमार्फत सार्वजनिक गरिएको यस गीतले मंगलबार १० करोड भ्युजको ऐतिहासिक कीर्तिमान बनाएको हो।

माधव वाग्लेले निर्माण गरेको चलचित्र ‘चङ्गा चेट’ को यस गीतमा सङ्गीतकार राजनराज शिवाकोटीको सङ्गीत रहेको छ। राजनराज शिवाकोटी, मेलिना राई र गृष्मा शिवाकोटीले स्वर दिएका गीतमा हरिहर तिमल्सिनाको शब्द छ।