नेपोली बन्यो इटालीको च्याम्पियन

मिलान — नेपोलीले ३३ वर्षपछि पहिलो पल्ट बिहीबार इटालीको सिरी 'ए' उपाधि जितेको छ । इटालीको नयाँ च्याम्पियन भएसँगै नेपल्स सहरमा ठूलो खुसीयाली छाएको थियो । युडिनेजीलाई १–१ को बराबरीमा रोक्नु नै लिग च्याम्पियन हुनका लागि पर्याप्त रह्यो ।

सन् १९९० मा नेपोलीले अन्तिम पटक लिग जितेको थियो र त्यतिबेला डिएगो म्याराडोनाले यो सफलता दिलाएका थिए । युडिनेजीको मैदानमा भएको खेलमा घरेलु टिमले सान्डी लाभरिचको गोलले अग्रता लिएको थियो ।