अत्यावश्यक वस्तुको मूल्य निर्धारण मापदण्ड बन्दै
karobardaily.com · Tue Aug 03 01:12:06 GMT 2021
वाणिज्य आपूर्ति तथा उपभोक्ता हित संरक्षण विभागले अत्यावश्यक वस्तुको मूल्य निर्धारण सम्बन्धी मापदण्ड तयार गर्ने भएको छ । उत्पादकदेखि बजारसम्म पुग्दा विचौलियाका कारण वस्तु महँगो भएर उपभोक्ता ठगिन थालेपछि यसलाई नियन्त्रण गर्नका लागि विभागले मापदण्ड तयार गर्न लागेको हो ।
हालसम्म नेपालमा मूल्य निर्धारण सम्बन्धी स्पष्ट मापदण्ड छैन भने विचौलियाको सक्रियताले उत्पादनहरु महँगो भएका छन् । विभागका अनुसार बजारमा हाल वस्तुअनुसार चारदेखि ९ तहसम्म मूल्य निर्धारण हुँदा बिचमा कमिसन सिर्जना भई उपभोक्ता ठगिने गरेका छन् । विभागका महानिर्देशक प्रकाश पौडेलले बजारमा भएको अस्वभाविक मूल्यको तह नियन्त्रण गर्नका लागि अत्यावश्यक वस्तुको मूल्य निर्धारण सम्बन्धि मापदण्ड तयार गर्न लागिएको जानकारी दिए । “बजारमा वस्तुको मूल्य निर्धारणका तहहरु धेरै रहेका छन्,” उनले भने, “धेरेै तह हुँदा उपभोक्ता ठगिने र उत्पादकले उचित मूल्य नपाउने भएकाले पहिलो चरणमा अत्यावश्यक वस्तुमा मूल्यको मापदण्ड तयार गर्न लागिएको हो ।”
स्रोतमा पूरा पढ्नुहोस् (karobardaily.com)