कात्तिकमै हिमपात, सावधानी अपनाउन अनुरोध

काठमाडौं । मनाङ, मुस्ताङलगायतका हिमाली जिल्लामा परेको हिउँका कारण आउन सक्ने चुनौतीलाई मध्यनजर गर्दै सशस्त्र प्रहरीले पदयात्रा तथा भ्रमणमा जाने यात्रुहरूलाई सचेत गराउनुका साथै सावधानी अपनाउन अनुरोध गरेको छ ।

मुस्ताङ जिल्लाको लोमान्थाङ गाउँपालिका–५ नेचुङस्थित उपल्लो मुस्ताङमा परेको हिउँ सशस्त्र प्रहरी बल नेपाल बोर्डर आउट पोस्ट नेचुङले पन्छाउनुका साथै सो बाटो हुँदै पदयात्रा तथा भ्रमणमा जाने पर्यटकलाई सुरक्षित यात्रा र सावधानी अपनाउन अनुरोध गरेको छ ।