पर्यटन र सूचना प्रविधिमा थुप्रियो वैदेशिक लगानी

काठमाडौं । नेपालमा पर्यटन क्षेत्र र सूचना प्रविधि क्षेत्रमा वैदेशिक लगानी आकर्षण देखिएको छ । चालू आर्थिक वर्षको साउनदेखि असोज मसान्तसम्म स्वीकृत लगानी परियोजनामध्ये पर्यटन क्षेत्रले सबैभन्दा धेरै लगानी आकर्षित गरेको छ ।

यस अवधिमा पर्यटनसँग सम्बन्धित १ सय ३ वटा परियोजनामा १ अर्ब ४६ करोड रुपैयाँबराबरको वैदेशिक लगानी प्रतिबद्धता स्वीकृत भएको छ ।