चालकको लापरबाहीले सुर्खेतमा महिनामै ६३ सवारी दुर्घटना

वैशाख महिनाभित्र मात्रै सुर्खेतमा ६३ वटा सवारी दुर्घटना भएका छन्। ती दुर्घटनामा परी एक जनाको ज्यान गएको छ भने १ सय १८ जना घाइते भएका छन्।

जिल्ला ट्राफिक प्रहरी कार्यालय सुर्खेतका अनुसार अधिकांश दुर्घटना चालकको लापरबाहीका कारण भएको निष्कर्ष निकालिएको छ। कार्यालयले सार्वजनिक गरेको तथ्यांकअनुसार करिब ९३ प्रतिशत दुर्घटना चालकको असावधानी, तीव्र गति, ओभरटेक तथा ट्राफिक नियम उल्लंघनका कारण भएको देखिएको हो।