महानगरको फोहोर टेलिकमको कार्यालयमा

वीरगन्ज । सर्वसाधारण र अन्य निकायले सार्वजनिकस्थलमा फोहोर फाल्दा जरिमाना तिराउँदै आएको वीरगन्ज महानगरपालिकाले नेपाल टेलिकम क्षेत्रीय कार्यालयभित्र फोहोर फालेपछि महानगरको शैलीका विषयमा टीका टिप्पणी सुरु भएको छ ।

महानगरपालिकाले टेलिकममा सात ट्याक्टर फोहोर फालेको छ । नेपाल टेलिकमले फाइबर तार ओच्छ्याउन भन्दै वीरगन्ज बाइपासको कालोपत्रे सडक र फुटपाथ खनेर बिगारेपछि फोहोर थुपारेर टेलिकमलाई सांकेतिक दबाब दिएको वीरगन्ज महानगरपालिकाका अधिकारीको भनाइ छ ।