भारतले पाकिस्तानमाथि आक्रमण गर्नुको कारण के हो ?

काठमाडौँ । भारतले पाकिस्तानमाथि बुधबार राति गरेको आक्रमण अप्रिल २२ मा भारत प्रशासित कश्मीरको पहलगाममा भएको आतंकवादी हमलाको बदलास्वरूप भएको बताइएको छ। उक्त आक्रमणमा कम्तीमा २६ जनाको ज्यान गएको थियो, जसमा अधिकांश पर्यटक रहेका थिए।

आतंककारीहरूले पहलगामबाट करिब पाँच किलोमिटर टाढा रहेको बैसरन नामक हरियाली पहाडी क्षेत्रमा घुम्न गएका मानिसहरूलाई लक्षित गरी अन्धाधुन्ध गोली प्रहार गरेका थिए। आक्रमणबाट बाँचेका केही प्रत्यक्षदर्शीहरूका अनुसार बन्दुकधारीहरूले विशेष गरी हिन्दू पुरुषहरूलाई लक्षित गरेका थिए।