१५ वर्षमा बनेको सडक भत्किन्छ हरेक वर्ष

दोलखा । दोलखाको भीमेश्वर नगरपालिका–२ अन्तर्गत पर्ने दोलखा–नागदह सडकखण्डको काम सुस्त गतिमा अगाडी बढेको छ । दशकौँदेखि सडकको समस्या झेलिरहेका स्थानीय अहिले फेरि सुरु भएको नयाँ योजनाले वास्तविक सुधार ल्याउला कि विगतकै जस्तो असारे विकासमा सीमित होला भन्ने चिन्तामा छन्।

वि.सं. २०६४ मा ट्रयाक खुलेको दोलखा–नागदह सडकमा हालसम्म करिब २८–२९ करोड रुपैयाँ खर्च भइसक्दा पनि अझै अवस्था सुधारिएको छैन ।