काठमाडौँ १४ का वडा सदस्य २ लाख घुससहित पक्राउ

काठमाडौँः काठमाडौं महानगरपालिका १४ नं वडा कार्यालयका वडा सदस्य वसन्त महर्जन दुई लाख घुससहित पक्राउ परेका छन् ।

अख्तियार दुरुपयोग अनुसन्धान आयोग टोलीले कलंकी, खसी बजारस्थित न्यू कान्तिपुर तन्दुरी भोजनालयबाट उनलाई घुससहित पक्राउ गरेको हो । अख्तियारका प्रवक्ता नारायणप्रसाद रिसालले उनलाई नियन्त्रणमा लिई थप अनुसन्धान भइरहेको जानकारी दिए ।