कोइरी पक्राउ नहुनुमा गृह प्रशासन नै मुख्य दोषी : एमाले सचिव महासेठ

काठमाडौं । कर्तव्य ज्यान मुद्दाका फरार प्रतिवादी नेकपा एमालेका सांसद लक्ष्मी महतो कोइरी पक्राउ नपर्नुमा गृह प्रशासन नै मुख्य दोषी रहेको नेकपा एमालेले आरोप लगाएको छ । नेपाल समाचारपत्रसँग आइतबार कुरा गर्दै एमाले सचिव महासेठले कोइरी पक्राउ पर्न नसक्नुमा गृह प्रशासन नै दोषी भएकोे दाबी गर्नुभयो ।

सांसद कोइरीलाई पार्टीले वा पार्टीका नेताहरूले संरक्षण गरेको आरोपमा कुनै सत्यता नरहेको दाबी गर्दै महासेठले प्रश्न गर्नुभयो– ‘अदालतबाट दोषी ठहर भई फरार प्रतिवादीको सूचीमा रहेको सांसदलाई पक्राउ गर्न गृहमन्त्रीले नै निर्देशन दिइसकेको अवस्थामा किन पक्राउ गर्न सकिएन ।’