राईको शव नेपाल ल्याउनेबारे परराष्ट्रमन्त्रीको जवाफ : कोषको व्यवस्था नहुँदा समस्या देखिएको छ

काठमाडौँ । कम्बोडियामा मृत्यु भएका सन्तोष राईको शव नेपाल ल्याउनका लागि समस्या उत्पन्न भएको परराष्ट्र मन्त्री शिशिर खनालले बताएका छन् । धादिङको धुनीवेशी नगरपालिका–९ स्थित जुगेडी निवासी ४२ वर्षीय राई गत वर्ष भदौमा अवैधानिक रूपमा भारतको बाटो हुँदै कम्बोडिया पुगेका थिए । तर वैशाख २९ गते उपचारको क्रममा काल्मेट अस्पतालमा ‘हेमोरेजिक स्ट्रोक’ मस्तिष्क रक्तस्रावका कारण मृत्यु भएको थियो ।

कमजोर आर्थिक अवस्था र कानुनी झन्झटका कारण शव नेपाल ल्याउन नसकेको भन्दै मृतकका श्रीमती जुनु राईले सहयोग गरिदिन हारगुहार गरेकी थिइन् ।