काठमाडौँको मारिया हस्पिटलमा मेडिकल काउन्सिलको एक्सन: ३ विदेशी चिकित्सक निलम्बन, अस्पताल सिलबन्दी

काठमाडौँ । काठमाडौँको बालुवाटारस्थित 'मारिया हस्पिटल' (मारिया हेल्थ सेन्टर प्रा.लि.) मा नेपाल मेडिकल काउन्सिलले सिलबन्दी गरेको छ। काउन्सिलले गरेको स्थलगत अनुगमनका क्रममा उक्त अस्पताल आवश्यक अनुमति र क्लिनिकल मापदण्ड पूरा नगरी गैरकानूनी रूपमा सञ्चालन भइरहेको पाइएको हो।

अनुगमनका क्रममा अस्पतालले विदेशी चिकित्सकहरू मार्फत अवैध रूपमा बिरामीको स्वास्थ्य परीक्षण गराइरहेको भेटिएपछि काउन्सिलले उक्त कडा कानुनी कारबाही अगाडि बढाएको हो। काउन्सिलले आज बिहीबार एक सूचना जारी गराउँदै यो विषयमा जानकारी गराएको हो ।