एमालेसँग विद्रोहको औचित्य थिएन भन्नु केपी ओलीको सामु लम्पसार पर्नु हो : नेपाल

नेकपा (एकीकृत समाजवादी) का अध्यक्ष तथा पूर्वप्रधानमन्त्री माधवकुमार नेपालले नेकपा (एमाले) अध्यक्ष केपी शर्मा ओलीलाई नेपालको सबैभन्दा अहंकारी प्रधानमन्त्री भएको आरोप लगाएका छन्।

बुधबार काठमाडौँमा सुरु भएको एकीकृत समाजवादीको केन्द्रीय कमिटीको तेस्रो पूर्ण बैठकलाई सम्बोधन गर्दै अध्यक्ष नेपालले भने, ‘सत्तामा रहेका अत्यन्तै अहंकारी प्रधानमन्त्री केपी ओलीलाई सत्ताबाट च्युत गर्ने काम भयो। उनको शासन र पार्टी सञ्चालनको तरिकाको बारेमा हामी सबै भुक्तभोगी छौं।’