मादीको संकट!

'पहिले एकै दिनमा १०–१२ किलोसम्म माछा मारिन्थ्यो, अहिले दिनभर खटिँदा मुस्किलले २–३ किलो भेटिन्छ,' कास्की रूपा गाउँपालिका–१ का ६९ वर्षीय रमेशबहादुर बोटे आफ्नो अनुभव सुनाउँछन्।

पाँच दशकदेखि मादीमा जाल फ्याँकेर १३ जनाको परिवार पालेका उनी अहिले नदीको बदलिँदो स्वरूप देखेर चिन्तित छन्। उनका अनुसार बजारमा असला र सहरजस्ता उत्कृष्ट माछाको मूल्य प्रतिकिलो १५ सय रूपैयाँसम्म पुगे पनि अहिले ती जालमा पर्न छाडेका छन्। कत्ले र गूँदजस्ता प्रजाति पाइने मादी अहिले पहिलेजस्तो जीवित लाग्दैन।