जनमतको कदर गरौँ, कसैलाई खिसीट्युरी नगरौँ: हर्क साम्पाङ

काठमाडौँ । सुनसरी क्षेत्र नं. १ बाट प्रतिनिधि सभा सदस्यमा निर्वाचित हर्क राज राई (साम्पाङ) ले निर्वाचनको परिणामलाई लिएर कसैलाई पनि अपमान वा खिसीट्युरी नगर्न आग्रह गरेका छन् । आइतबार सामाजिक सञ्जाल फेसबुकमार्फत एक भिडियो सन्देश जारी गर्दै उनले लोकतान्त्रिक अभ्यासमा हार र जित स्वाभाविक प्रक्रिया भएको बताएका हुन् ।

धरान उपमहानगरपालिकाको मेयर पदबाट राजीनामा दिएर प्रतिनिधि सभा सदस्यको उम्मेदवार बनेका श्रम संस्कृति पार्टीका अध्यक्ष साम्पाङले भने, ‘जनताले दिएको एक भोट पनि विश्वास र आशाको प्रतीक हो । थोरै मत ल्याउने उम्मेदवारले पनि जनमत प्राप्त गरेको हुनाले उहाँहरूको हार भयो भन्दै जिस्काउने वा अपमान गर्ने काम नगरौँ ।’