रौतहट सीमामा ९० लाखको अवैध फर्सीको बिउ बरामद, प्रहरी र स्थानीय झडपमा ६ जना घाइते

नेपाल–भारत सीमावर्ती क्षेत्रमा भारततर्फ तस्करी गर्न लुकाइ राखिएको करिब ९० लाख रुपैयाँभन्दा बढी मूल्यको फर्सीको बिउ बरामद गर्ने क्रममा रौतहट प्रहरी र स्थानीयबीच झडप हुँदा तीन प्रहरीसहित ६ जना घाइते भएका छन्।

जिल्लाको पश्चिमी भेगमा पर्ने बौधीमाई नगरपालिका ७ बाँडा बंकुल टोलस्थित सीमावर्ती क्षेत्रमा त्रिपालले छोपेर भण्डारण गरी राखेको फर्सीको बिउ नियन्त्रणमा लिन पुगेको प्रहरी टोलीमाथि स्थानीयले अवरोध गरेपछि आइतबार राति दुवै पक्षबिच झडप समेत भएको थियो।