राजनीतिक अन्योलताबीच प्रशासनको बढ्दो जिम्मेवारी
rajdhanidaily.com · Thu Sep 09 23:20:46 GMT 2021
स्थायी सरकारका रूपमा रहेको ब्युरोक्रेसीले व्यावसायिक र सिर्जनशील प्रशासन: विकास, समृद्धि र सुशासन’ नाराका साथ २२ भदौमा निजामती सेवा दिवस मनायो । हरेक वर्ष कर्मचारीले यस्तै आकर्षक नारा तय गर्दै यो दिवस मनाउने गर्छन् तर उनीहरूले तय गरेका नाराअनुसारका काम हुन नसक्दा परिणाम करिबकरिब शून्य जस्तै हुने गरेको छ । विकास, समृद्धि र सुशासनको विषय प्रायः सबै राजनीतिक नेतृत्व र प्रशासनिक नेतृत्वको मुखमा झुन्डिने शब्द हुन् तर परिणाम दिनेगरी व्यवहारमा उतार्न उनीहरू असफल हँुदै आइरहेका छन् ।
सरकार गठन भएको झन्डै दुई महिना पुग्नै लाग्दासमेत प्रधानमन्त्री शेरबहादुर देउवाले सरकारलाई पूर्णता दिन सकेका छैनन् । सत्तारूढ गठबन्धनबीच मन्त्रालयको भागबन्डा मिल्न नसक्दा र कसलाई मन्त्री बनाउने भन्नेमा टुंगो लाग्न नसक्दा १७ वटा मन्त्रालय लामो समयदेखि मन्त्रीविहीन अवस्थामा छन् । यद्यपि ती मन्त्रालयको जिम्मेवारी प्रधानमन्त्री देउवा आफैंले हेरिरहेका छन् ।
स्रोतमा पूरा पढ्नुहोस् (rajdhanidaily.com)